Lær å logge inn til offentlege tenester med MinID

Dette kurset viser deg korleis du loggar inn til offentlege tenester med MinID. Ynskjer du at kurset skal vere eit praktisk kurs i innlogging til offentlege tenester med MinID, må du ha skaffa deg PIN-kodar og oppretta MinID før du tek kurset.

Å logge inn er ein framgangsmåte for å komme inn til tenester frå det offentlege. Når du er logga inn kan du få informasjon som det offentlege har registrert om deg.

På nettet er det ikkje nok å skrive kven du er med ord, for å få tilgang til opplysningar knytt til deg. Du må bevise med ein personleg elektronisk legitimasjon, at du er du.

For å logge inn til ei teneste frå stat eller kommune, gå til nettstaden til verksemda eller kommunen du vil logge inn til. Sjå etter om dei har tenester du kan logge inn til. Klikk på logg inn.

For å logge inn til ei offentleg teneste, skriv inn nettadressa til ei statleg verksemd eller ein kommune i adresselinja på den nettlesaren du brukar. Sjå etter om verksemda har ei teneste du kan logge inn til. Klikk på logg inn.

ID-porten viser at du kjem til ei sikker innloggingsteneste frå stat eller kommune. ID-porten er ei samling av alle elektroniske ID-ane du kan bruke for å logge inn til ei teneste. Her skal du velje MinID.

Du skriv heile fødselsnummeret ditt på 11 siffer utan mellomrom. Skriv deretter det personlege passordet du laga deg då du oppretta MinID som personleg elektronisk ID.

Skrive inn koden du får tilsendt som ei SMS melding til mobiltelefonen din. Trykk på neste eller trykk på enterknappen på tastaturet ditt.

Når du har logga inn til NAV sine tenester, vil namnet ditt komme fram. Ser du namnet ditt i tenesta du søker, veit du at du er logga inn. Hugs å logge ut.

ID-porten sender ut denne påminninga automatisk. Du må stadfeste eller rette eigen kontaktinformasjon. Det er viktig at kontaktinformasjonen din er rett. Kontaktinformasjonen din i Det nasjonale kontakt- og reservasjonsregisteret skal nyttast av stat og kommune om dei vil kontakte deg.

Noreg.no har samla mange tenester frå stat og kommune som du kan logge inn til. Du kan leite opp ei konkret teneste, du kan finne ei teneste ut frå livssituasjonen du er i, og du kan søke etter tenester på Noreg.no

Hjelp til innlogging: I innloggingsbilda kan du klikke på teksten: ‘Hjelp til innlogging’ Du kan og komme til hjelpesidene for ID-porten nedst på nettsida til Noreg.no.

Difi håpar opplæringa var nyttig.