Digital postkasse

Det offentlege ynskjer å sende deg post digitalt i staden for på papir. Det finst to leverandørar av digital postkasse, e-Boks og Digipost. Digital postkasse gir deg ei sikker løysing for å få og oppbevare viktig post frå det offentlege digitalt. Vedtaksbrev, helseopplysningar og anna sensitiv informasjon kan ikkje sendast på e-post. Det er gratis å opprette og bruke digital postkasse, og du kan lagre breva der så lenge du ynskjer. Du vert varsla på mobil eller e-post når du får viktig post frå det offentlege.