MinID Passport er ein elektronisk ID-løysing som kan brukast til å logge inn på nokre offentlege tenester på nett.

MinID Passport brukar pass-verifisering  som ein del av registreringa for å identifisere deg.  

Løysinga brukar to-faktorløysing. Det betyr at når du loggar inn må ein bruke eit sjølvlagd passord og ein eingongskode motteke på SMS.  

 

Kva treng du for å registrere MinID Passport

For å registrere ein ny MinID brukar treng du følgande:

·         Ein smarttelefon med eit aktivt mobilnummer

·         Gyldig pass

·         Fødselsnummer/D-nummer registrert i folkeregisteret

·         E-postadresse

Korleis registrere MinID Passport

Du må skanne passet ved å bruke ein app frå Nets som les passet ditt. Du kan laste ned denne appen frå Nets si nettside, eller ved å laste ned “NETS Passport Reader” frå app store/Play store. Appen må vere installert på din smarttelefon før du kan starte skanninga av passet.

 

1.       Du kan registrere ny MinID brukar på denne nettsida: registration.minid.digdir.no

 

2.       Etter å ha trykt på "Continue", vert brukaren bedd om å installere appen “NETS Passport Reader”.

 

3.       Du vert bedd om å godta person- og ansiktsgjenkjennings data på vegne av Digitaliseringsdirektoratet. Dette med hensikt å identifisere deg for utstedelse av MinID. For å bruke appen må du godta bruksvilkåra.

 

4.       Klikk på "Receive activation code". Ein kode vert synleg i nettlesaren. Denne koden må du skrive inn i appen for å fortsette.   Alternativt kan du skanne QR-koden som kjem opp på skjermen.

 

5.       Skann den maskinlesbare delen av passet ved å følge instruksjonane i appen.

 

6.       Lukk passet. Legg Smarttelefonen med baksida oppå passet, slik at appen kan lese NFC (RFID)-brikka på passet. Følg instruksjonane i appen.  

 

7.       Appen vil no ta ein selfie for å bekrefte at personen på passet er den same personen som brukar smarttelefonen. Om dette vert godkjent vert informasjonen frå passet sendt tilbake til MinID-registreringa I nettlesaren.

 

8.       Fortsett registreringa i nettlesar. Skriv inn ditt fødselsnummer/D-nummer. MinID vil no kontrollere informasjonen frå passet ditt opp mot folkeregisteret.

 

9.       Om informasjonen stemmer, vil du kunne registrere din e-postadresse, mobilnummer og opprette personleg passord for MinID.

Du har no registrert MinID og kan logge inn på nokre offentlege tenester på nett.

 

Korleis logge inn med MinID Passport

·         Gå til www.nav.no  

·         Trykk på “Utenlandske brukarar” nederst, og deretter “MinID Logg inn”

·         Skriv inn ditt fødelsnummer/D-nummer og passord.  Klikk på “Neste”.

·         Legg inn eingongskode mottatt på SMS. Klikk på “Neste”.

 

Korleis lage nytt passord

·         Gå til www.nav.no  

·         Trykk på “Utenlandske brukarar” nederst, og deretter “MinID Logg inn”

·         Klikk på “Gløymt passord”

·         Skriv inn ditt fødselsnummer/D-nummer. Klikk på “Neste”

·         Skriv inn koden frå SMS på 5 teikn. Klikk på “Neste”

·         Skriv inn koden frå e-post på 6 teikn. Klikk på “Neste”

·         Vel passord, (minst 8 teikn mellom A-Z, 0-9 og spesialteikn)

• Kontroller kontaktinformasjonen og klikk på “Bekreft”