Maid várašupmi mearkkaša

Várašupmi gusto buot dán njealji čuoggái vuolábealde:

• ovttaskasmearrádusat
• ovdagihtii dieđiheapmi hálddašanlága § 16 mielde
• eará dieđut main lea mearkkašupmi du riektesajádahkii dahje áššemeannudeapmái, ja
• dieđut maid eará sivaid geažil lea hui dehálaš ahte don vuostáiválddát.

Dat mearkkaša ahte jus várašumi dieđihat, de reivvet mat sisttisdollet dieđuid mat dutnje leat dehálaččat, dušše sáddejuvvojit dutnje báberhámis. Dat sáhttet leat ovdamearkka dihte nugo vearroboađus, reive mánáidgárdesaji oažžuma birra, huksenlohpi dahje mearrádus NAV addosiid birra. Du várašupmi gusto olles almmolaš suorgái, sihke stáhtii ja suohkanii.

Poastamanu geažil boađát oažžut reivve maŋŋel, go dalle go jus ieš sáhtát logget sisa ja oaidnit reivve dakkaviđe go dat lea sáddejuvvon.

Jus don várašumi dieđihat gulahallama vuostá neahtas, de ain sáhtát logget sisa, ja geavahit, almmolaš bálvalusaid neahtas.