Mo beasan oaidnit iežan persondieđuid (GDPR)

Mo beasan oaidnit iežan persondieđuid (GDPR)

Buohkain, geat leat registrerejuvvon geavaheaddjin oktasaščovdosiin maidda Difi lea ovddasvástádus, lea riekti bivdit oaidnit persondieđuid mat leat vurkejuvvon dáidda oktasaščovdosiidda.

Go ozat geahčadeami, de fertet válljet man bálvalusas áiggut geahčadit. Vuolábealde leat dieđut dáid čovdosiid birra.

Oaidningáibádusa fertet sáddet Difii. Geavat dán skovi.

Direktoratet for Forvaltning og IKT
Postboks 1382 Vika
0114 Oslo.

ID-porten

ID-porten lea almmolaš bálvalusaid oktasaš sisaloggenčoavddus interneahtas.

ID-portenis leat almmolaš bálvalusat olámuttus ja suodjaluvvon neahtas.

Oktavuođa- ja várašanregisttar

Oktavuođa- ja várašanregisttar lea oktasaščoavddus maid buot almmolaš doaimmat galget geavahit iežaset oktavuođain ássiiguin. Doaimmat sáhttet geavahit registara sáddet bálvalusdieđuid sms dahje e-poastta bokte, ja sii gávdnet dieđuid lea go ássi várašan iežas digitála gulahallama vuostá stáhtain ja gielddain.

eSignering

eSignering lea bálvalus mii addá vejolašvuođa signeret almmolaš doaimmaid reivviid. Bálvalusain sáhttá ássi signeret almmolašvuođa reivviid elektrovnnalaččat go bidjá daidda elektrovnnalaš personsignatuvrra.

Digitála poastakássa
Digitála poastakássa ássiide lea oktasaščoavddus maid almmolaš doaimmat ja doaimmat geat barget almmolaš ásahusaid ovddas, sáhttet geavahit sáddet poastta digitálalaččat ássiide. Čovdosis leat guokte váldooasi: Diehtogaskkustanbálvalus ja digitála poastakássa. Jus áiggut oaidnit vurkejuvvon persondieđuid du birra, de fertet váldit oktavuođa iežat poastakássalágideddjiin, digipoasttain dahje e-bovssain.