Mo signeren?

Mana signerenportálii, https://signering.posten.no, ja logge sisa ID-portena bokte vai oainnát bajilgova dokumeanttain mat vurdet du signatuvrra. Oainnát maiddái listtu vejolaš dokumeanttain maid leat signeren maŋimuš 24 tiimmas.

1. Loga dokumeantta
   Gávnnat dokumeantta man sáhtát signeret elektrovnnalaččat go logget sisa signerenbálvalussii.
   Coahkkal "Čájet dokumeantta" vai oainnát maid galggat signeret (ovdagihtiičajeheapmi), dahje coahkkal njuolgga "Signeregoađe". Dalle ihtá dokumeanta.
2. Signeret ID-portenis
   Dokumeantta vuolde lea ”Signere dokumeantta”-boallu. Jus háliidat signeret, de coahkkal ”Signere dokumeantta”. Jus it hálit signeret dokumeantta, de coahkkal ”Gaskkalduhte”. Go signeret dokumeantta, de sirdašuvat ID-portenii gos galggat identifiseret iežat válljejuvvon e-ID:in. Dokumeantta sáddejeaddji mearrida man e-ID sáhttá geavahit signeret dokumeantta. Go identifiseren ID-portenis lea ollašuhtton, de leat signeren dokumeantta.
3. Vurke
   Go leat ollašuhttán signerema, de oaččut duođaštusa das ahte dokumeanta lea signerejuvvon, ja dutnje fállojuvvo viežžat signerejuvvon dokumeantta. Dokumeantta sáhtát viežžat 24 tiimma siste signerenáiggi rájes, ja dat lea ”Signerejuvvon dokumeanttat”-listtus. Mii ávžžuhat du bidjat signerejuvvon dokumeantta iežat digitála poastakássii.

Oaččot dieđu SMS dahje e-poastta bokte go bohtet ođđa dokumeanttat mat vurdet du signatuvrra.

Njuolgga signeren:
Muhtun almmolaš doaimmat geavahit signerenbálvalusa muhtun proseassa oassin. Dalle logget vuos sisa almmolaš bálvalussii ID-portena bokte. Go leat loggen sisa ja juogadan dieđuid almmolaš bálvalusa skovis, de automáhtalaččat sirdojuvvot signerenbálvalussii. Go dokumeanta lea signerejuvvon, de sirdojuvvot das ruovttoluotta álgobálvalussii gos sáhtát viežžat signerejuvvon dokumeantta. Dáppe ii leat áigemearri viežžat signerejuvvon dokumeantta.

Gukásovdánan e-signatuvra BankID:in dahje Buypassain:
Muhtumin sáhttá sáddejeaddji mearridit ahte dokumeantta galgá signeret nu gohčoduvvon guhkásovdánan e-signatuvrrain. Dáin dáhpáhusain bivdojuvvot signeret BankID dahje Buypassa e-ID:in, (ii ge dokumeantta sáhtte danne signeret MinID:in, Commfidesiin ii ge BankID:in mobiillas).

FUOM! Jus signeret BankID:in, de fertet vuos rahpat ja lohkat dokumeantta signerenčovdosis ovdalgo sáhtát russet ”Lean ádden sisdoalu ja lean gearggus signeret”. BankID ja Buypass elektrovnnalaš ID dat sáhttá geavahit e-signatuvran. Sáhtát maiddái signeret dokumeanttaid geavahettiin BankID mobiillas kodagilkorin.