Ođasmahte iežat oktavuođadieđuid dušše ovtta sajis

Ássiid mobiilanummarat ja e-poastačujuhusat čohkkejuvvojit nationála oktavuođa- ja várašanregistarii.

Oktasaš oktavuođaregistara ovdamunni lea ahte don ássin it dárbbaš addit dáid dieđuid buot iešguđet almmolaš ásahusaide mainna dus lea leamaš oktavuohta.
Don ieš dat ođasmahtát oktavuođadieđuid, ja don it dárbbaš dan dahkat go ovtta sajis.
Sáhtát válljet registreret juogo e-poastta dahje mobiilanummara, dahje goappašagaid.

Oktavuođaregisttar geavahuvvo go don logget sisa ID-porteniin iešguđet almmolaš bálvalusaide, nugo deavdit vearrodieđáhusa Altinnas, dahje go stáhta ja gielda elektrovnnalaččat fertejit dieđihit dutnje mearrádusa dahje eará dehálaš dieđuid birra. Dušše stáhta ja gielda sáhttet geavahit dán registara.

Oktavuođaregistaris sáhttet leat du mobiilanummar ja e-poastačujuhus, dieđut das man digitála poastakássa leat válljen, elektrovnnalaš gulahallama giellaválljen, ja leat go don várašan iežat elektrovnnalaš gulahallama vuostá.

Dás sáhtát logget sisa iskat mii lea registrerejuvvon du birra ja ođasmahttit iežat oktavuođadieđuid