Sihkarvuohta ja diehtočoahkuid
ID-porten lea oktasaš sisaloggenčoavddus almmolaš bálvalusaide. Sáhtát geavahit juogo MinID, Buypass dahje Commfides elektruvnnalaš ID. Elektruvnnalaš ID:ain duođaštat oadjebas ja sihkkaris vugiin gii don leat go geavahat almmolaš neahttabálvalusaid.
Hehtten dihte ID-suoládeami lea dehálaš leat diđolaš dasa geasa persovdnadieđuid addá, ja makkár oktavuođain dakkár dieđuid addá.
Jus don vihkkut ahte leat vásihan ID-suoládeami, de lea dehálaš reageret jođánit hehtten dihte vahátváikkuhusaid. Álggos galggat dieđihit Politiijaide. Telefon 02800
Loga eambbo ID-suoládeami birra čujuhusas www.idtyveri.info
MinID: Váldde oktavuođa MinID geavaheaddjidoarjalusain ruoná nummaris 800 30 300, gidden dihte geavaheaddjiprofiilla ja PIN-kodareivve. Mii boahtit dalle giddet du geavaheaddjiprofiilla ja viežžat loggaid doaimmain mat leat leamašan ID-porten:s. Don sáhtát maiddái giddet PIN-kodaid mat dus leat nu ahte giddet geavaheaddjiprofiilla.
BankID ja Mobiilla BankID: Don gávnnat dieđuid dan birra mot giddet BankID du báŋkku ruovttusiidduin.
Buypass: Don sáhtát giddet iežat Buypass ID čujuhusas Buypass.no.
Commfides e-ID: Don sáhtát giddet iežat Commfides e-ID go válddát oktavuođa Commfides.
Berre leat áicil dáidda vai du sihkarvuohta ID-porten:s váldojuvvo vuhtii buoremus lági mielde:
- Fuolat ahte elektrovnnalaš ovttadat maid don geavahat lea ođasmahttojuvvon
- Sihkkaraste iežat elektrovnnalaš ovttadaga beassansániin/PIN-kodain
- Dus galgá leat ođasmahttojuvvon anti-virus iežat dihtoris
- Logge olggos go leat geargan
NorSIS ruovttusiidduin: www.norsis.no gávnnat eambbo dieđuid dihtorsihkarvuođa birra.