Gieđahallanovddasvástideaddji

Digitaliseringsdirektoratet (Digdir) lea gieđahallanovddasvástideaddji persovdnadieđuide mat gieđahallojit oktasaš sisaloggemis almmolaš bálvalusaide. Digdir lea maiddái gieđahallanovddasvástideaddji dieđuide mat adnojit hálddašit MinID.
Alimus sihkarvuođadási elektrovnnalaš ID lágideaddjit (Buypass ja Commfides) leat gieđahallanovddasvástideaddjit persovdnadieđuide mat dárbbašuvvojit sin sisaloggenčovdosiid hálddašeapmái.
Jus dus leat gažaldagat dihto bálvalusa persovdnasuodjaleami birra, masa beasat almmolaš bálvalusaid oktasaš sisaloggema bokte, de sáhtát jearaldagaid ovddidit ovddasvástideaddji etáhttii. Jus dus leat obbalaš gažaldagat persovdnasuodjaleami ja sihkarvuođa birra sisaloggemis, de sáhtát váldit oktavuođa geavaheaddjidoarjalusain.

Makkár persovdnadieđut gieđahallojuvvojit?
Sisaloggemis oktasaš almmolaš elektrovnnalaš bálvalusaide vurkejuvvo riegádannummar ja áigemuddu goas lea sisaloggen. Sisaloggen historihkka vurkejuvvo ráddjejuvvon áigodahkii.

Geahčadeapmi, divvun ja sihkkun
Persovdnadiehtolága mielde dus lea riekti beassat geahččat mot du persovdnadieđut gieđahallojuvvojit.
Dus lea maiddái riekti beassat diehtit mot dát gieđahallojuvvojit ja vurkkoduvvojit, ja mot don sáhtát divvut ja sihkkut boasttu dieđuid. 
Lea dušše riegádannummar ja bajilgovva du sisaloggenhistorihkás mii vurkejuvvo. Riegádannummar vižžojuvvo guovddáš álbmotregistaris ja loggenhistorihkka čájeha man ollu don duođai logget almmolaš bálvalusaide. Danin lea ráddjejuvvon vejolašvuohta divvot vurkejuvvon dieđuid.

Addin earáide
Go don logget muhtun bálvalussii, de du riegádannummar ja loggendieđut viidáset gaskkustuvvojit dan doibmii dahje etáhttii mas lea ovddasvástádus dan bálvalussii masa don logget sisa.

Mieđiheapmi ja eaktodáhtolašvuohta
Lea eaktodáhtolaš geavahit čovdosa. Jus don it mieđit ahte du persovdnadieđut gieđahallojit numot badjelis ovdanboahtá, de it beasa logget sisa almmolaš elektrovnnalaš bálvalusaide. 
Don sáhtát vaikko goas válljet geassit ruovttoluotta iežat mieđiheami. Dán sáhtát dahkat go válddát oktavuođa min geavaheaddjidoarjalusain telefovnnas 800 30 300. Jus geasát ruovttoluotta iežat mieđiheami, de mii ráddjejuvvon áigodahkii liikká vurket dárbbašlaš dieđuid dahkkojuvvon sisaloggemiid birra.

Oktavuođadieđut
Oktavuođadieđut persovdnadieđuid gieđahallama gieđahallanovddasvástideaddjái:

Digitaliseringsdirektoratet
Skrivarvegen 2
6863 Leikanger